پشاور منتقلی کے خواہشمند اساتذہ کو دھچکا، این او سی جاری نہ کرنے کا فیصلہ ، قاری و قاریہ اور ایس ایس ٹی کیڈرز پر لاگو ہوگی

شانگلہ (ویب ڈیسک)خیبرپختونخوا کے دیگر اضلاع میں تعینات اساتذہ کے لیے پشاور منتقلی کی راہ میں رکاوٹ پیدا ہوگئی۔ محکمہ ابتدائی و ثانوی تعلیم خیبرپختونخوا نے ضلع پشاور میں اساتذہ کے بین الاضلاعی تبادلوں کے لیے این او سی جاری نہ کرنے کا فیصلہ کیا ہے۔محکمہ تعلیم کی جانب سے متعلقہ ضلعی تعلیمی افسران کو ہدایات جاری کی گئی ہیں کہ پشاور منتقلی کے خواہشمند کسی بھی استاد کو این او سی جاری نہ کیا جائے۔ اس فیصلے کے بعد صوبے کے مختلف اضلاع میں تعینات وہ اساتذہ جو بین الاضلاعی تبادلے کے ذریعے پشاور منتقل ہونا چاہتے ہیں، فی الحال این او سی حاصل نہیں کرسکیں گے۔محکمہ تعلیم کی ہدایات کے مطابق پابندی پی ایس ٹی، سی ٹی، سی ٹی آئی ٹی، ڈی ایم، اے ٹی، ٹی ٹی، پی ای ٹی، قاری و قاریہ اور ایس ایس ٹی کیڈرز پر لاگو ہوگی۔جاری ہدایات میں ضلعی تعلیمی افسران کو واضح طور پر کہا گیا ہے کہ مذکورہ کیڈرز سے تعلق رکھنے والے اساتذہ کو پشاور منتقلی کے لیے این او سی جاری نہ کیا جائے۔ یوں صوبے کے دیگر اضلاع میں خدمات انجام دینے والے ان کیڈرز کے اساتذہ کے لیے پشاور منتقلی کا موجودہ راستہ بند ہوگیا ہے۔محکمہ تعلیم کے اس اقدام کے نتیجے میں پشاور منتقلی کے خواہشمند اساتذہ کو بین الاضلاعی تبادلوں کے معاملات میں نئی صورتحال کا سامنا کرنا پڑے گا، جبکہ متعلقہ ضلعی تعلیمی حکام کو بھی نئی ہدایات کے مطابق این او سی کے اجرا سے گریز کرنا ہوگا۔محکمہ تعلیم کی جانب سے جاری ہدایات میں پابندی کا اطلاق مذکورہ کیڈرز اور پشاور منتقلی کے لیے این او سی کے اجرا تک محدود رکھا گیا ہے۔