بھارت، طلبہ احتجاج کے دوران پولیس وین کے سامنے کھڑی ہونے والی لڑکی ہراسانی کا شکار، مقدمہ درج نہ ہوسکا

نئی دہلی (این این آئی)بھارت میں طلبہ کے احتجاج کے دوران پولیس وین کے سامنے کھڑی ہونے والی نوجوان لڑکی ریا آہر نے انکشاف کیا ہے کہ احتجاج کی ویڈیو منظرِ عام پر آنے کے بعد سے مجھے مسلسل ہراساں کیا جا رہا ہے۔بھارتی ٹی وی کے مطابق ریا آہر نے بتایا کہ میں وہی لڑکی ہوں جس نے 20 بچوں کو غیر قانونی حراست میں لینے سے پولیس کو روکا تھا لیکن اب اسی واقعے کے بعد مجھے مسلسل ہراساں کیا جا رہا ہے۔ریا آہر کے مطابق 27 جولائی کو ہراسانی کے خلاف پولیس کو درخواست دی تھی تاہم اب تک مقدمہ درج نہیں کیا گیا۔ان کا کہنا تھا کہ یہ معاملہ صرف سوشل میڈیا پر ٹرولنگ تک محدود نہیں بلکہ ایک سنگین جرم ہے جس پر فوری قانونی کارروائی ہونی چاہیے۔