پاکستانی اسپنر نعمان علی کانٹی چیمپئن شپ میں لنکاشائر کا حصہ بن گئےامید ہے20 اگست کو نارتھمپٹن شائر کے خلاف لنکاشائر کی جانب سے پہلا میچ کھیلیں گے

لندن (سپورٹس ڈیسک)پاکستان کے تجربہ کار اسپنر نعمان علی کاؤنٹی چیمپئن شپ میں لنکاشائر کی نمائندگی کیلئے تیار ہیں۔تفصیلات کے مطابق انگلش کانٹی کلب لنکاشائر نے نعمان علی کو کانٹی چیمپئن شپ کے رواں سیزن کے آخری چھ میچز کے لیے اسکواڈ میں شامل کرلیا ہے۔39 سالہ نعمان علی 2021 میں ٹیسٹ ڈیبیو کے بعد اب تک 22 ٹیسٹ میچز میں 101 وکٹیں حاصل کر چکے ہیں۔توقع ہے کہ وہ 20 اگست کو نارتھمپٹن شائر کے خلاف لنکاشائر کی جانب سے پہلا میچ کھیلیں گے۔کلب کے ڈائریکٹر مارک چلٹن نے کہاکہ نعمان کا ریڈ بال کرکٹ میں شاندار ریکارڈ اور وسیع تجربہ ٹیم کے لیے انتہائی فائدہ مند ثابت ہوگا۔نعمان علی نے 34 سال کی عمر میں پاکستان کے لیے ڈیبیو کیا تھا اور 2024 میں انگلینڈ کے خلاف سیریز میں 9 وکٹیں لے کر ٹیم کی کامیابی میں اہم کردار ادا کیا تھا۔