ترکیہ میں آسمانی بجلی گرنے سے 500 ٹن بھوسا جل کر خاکستر خشک بھوسے نے تیزی سے آگ پکڑ لی اور شعلے ذخیرہ کرنے کے پورے مقام تک پھیل گئے،حکام

انقرہ(انٹر نیشنل ڈیسک)ترکیہ کے وسطی صوبے یوزگات کے گاں سریم بے میں آسمانی بجلی گرنے سے ذخیرہ کیا گیا تقریبا 500 ٹن بھوسا جل کر خاکستر ہو گیا، جس سے مقامی کسانوں اور مویشی پال حضرات کو بھاری مالی نقصان ہوا۔عرب ٹی وی کے مطابق علاقے میں شدید بارش اور گرج چمک کے دوران آسمانی بجلی اس کھیت پر گری جہاں کٹائی کے بعد بھوسے کے گٹھے ذخیرہ کیے گئے تھے۔ خشک بھوسے نے تیزی سے آگ پکڑ لی اور شعلے ذخیرہ کرنے کے پورے مقام تک پھیل گئے۔آگ لگنے کی اطلاع ملنے پر یوزگات میونسپلٹی کے محکمہ فائر بریگیڈ اور محکمہ جنگلات کی ٹیمیں جائے وقوعہ پر پہنچیں اور طویل کارروائی کے بعد آگ پر قابو پا لیا۔ اس طرح آگ کو قریبی زرعی زمینوں اور املاک تک پھیلنے سے روک دیا گیا۔حکام کے مطابق واقعے میں کوئی جانی نقصان نہیں ہوا۔ بھوسا جلنے سے مقامی کسانوں اور مویشی پال حضرات کو مالی نقصان اٹھانا پڑا، جو خصوصا سردیوں میں جانوروں کی خوراک اور بستر کے لیے ذخیرہ شدہ بھوسے پر انحصار کرتے ہیں۔