دوبارہ حملہ ہوا تو جنگ بحرِ ہند سے آگے تک پھیلے گی: ایران کی امریکا اور اسرائیل کو دھمکی

تہران (انٹر نیشنل ڈیسک)ایران نے خبردار کیا ہے کہ اگر امریکا یا اسرائیل نے دوبارہ حملہ کیا تو جنگ کا دائرہ بحرِ ہند اور اس سے آگے تک پھیلایا جا سکتا ہے۔ایران کے سپریم لیڈر کے مشیر میجر جنرل یحیی رحیم صفوی نے کہا کہ موجودہ تنازع خلیج فارس اور آبنائے ہرمز سے بحیرہ احمر تک پھیل چکا ہے، اس لیے مزید جنگ کی صورت میں محاذ بحر ہند اور ممکنہ طور پر اس سے بھی آگے تک پھیل سکتا ہے۔ ویڈیو میں صفوی نے کہا کہ ایران کی فوج نے امریکا اور اسرائیل کے دوبارہ حملے کی صورت میں بدترین صورتِ حال سے نمٹنے کے لیے منصوبے تیار کر رکھے ہیں۔انہوں نے کہا کہ اگر امریکا نے نئی جنگ شروع کی تو بحیرہ احمر اور آبنائے باب المندب کے مرکز میں ایک نیا محاذ کھل سکتا ہے۔صفوی نے یمن کے حوثیوں کی جانب سے بحیرہ احمر کے ساحلی علاقے پر کنٹرول حاصل کرنے کی بھی تعریف کی۔