پشتونخوا نیشنل عوامی پارٹی پشتون ملت کے سیاسی، قومی اور سماجی حقوق کے حصول کے لیے قومی، جمہوری اور اصولی جدوجہد پر یقین رکھتی ہے،ندا سنگر

کوئٹہ (ویب ڈیسک) پشتونخوا نیشنل عوامی پارٹی پشتون ملت کے سیاسی، قومی اور سماجی حقوق کے حصول کے لیے قومی، جمہوری اور اصولی جدوجہد پر یقین رکھتی ہے۔ پشتون عوام کی محرومیوں کے خاتمے، ان کے قومی و سیاسی حقوق کے حصول اور عوام کو منظم و باشعور بنانے کے لیے منظم سیاسی جدوجہد وقت کی اہم ضرورت ہے۔ پشتونخوا نیشنل عوامی پارٹی خلجی کالونی علاقائی یونٹ سے مربوط ابتدائی وطن یونٹ کا ماہانہ اجلاس اعظم کاکڑ کی رہائش گاہ پر منعقد ہوا۔ اجلاس کی صدارت ضلع سینئر معاون سیکریٹری ندا سنگر نے کی، جبکہ اسٹیج کی ذمہ داریاں علاقائی اطلاعات سیکریٹری اکرم کاکڑ نے انجام دیں۔ تلاوتِ کلامِ پاک کی سعادت وصیل خان دانش نے حاصل کی۔ اجلاس میں گزشتہ تنظیمی سرگرمیوں کی رپورٹ پیش کی گئی، آئندہ کے تنظیمی پروگراموں پر تفصیلی غور و خوض کیا گیا اور شمولیتی پروگرام بھی منعقد کیا گیا۔ اجلاس سے صوبائی آفس  سیکریٹری ندا سنگر، صوبائی ڈپٹی سیکریٹری عبیداللہ توخی، ضلع ڈپٹی سیکریٹری عبدالعلی اچکزئی، ضلع ڈپٹی سیکریٹری گل شاہین وردگ، علاقائی سیکریٹری حاجی نورگل خلجی، علاقائی سینئر معاون واحد خان اندر اور حکیم غزنوی نے خطاب کیا۔ اجلاس میں ضلع ڈپٹی سیکریٹری محمد رسول ترین، صوبائی کمیٹی کے رکن عبدالخالق الفت اور علاقائی معاون داد محمد خلجی سمیت دیگر ساتھیوں نے بھی شرکت کی۔ مقررین نے اپنے خطاب میں کہا کہ پشتون عوام کے قومی و سیاسی حقوق کے حصول اور محرومیوں کے خاتمے کے لیے عوام کو منظم اور باشعور بنانا وقت کی اہم ضرورت ہے۔ انہوں نے کہا کہ پارٹی کارکنان قومی و جمہوری سیاست کو مضبوط بنانے اور عوامی مسائل کو اجاگر کرنے کے لیے اپنی سیاسی و تنظیمی جدوجہد کو مزید منظم اور فعال بنائیں۔ اس موقع پر پشتونخوا میپ سے نجیب اللہ، مظلوم عوامی تحریک سے وحید خان کاکڑ اور نعیم کاکڑ، جبکہ امین اللہ، سفیع اللہ، اسحاق، گل محمد بلوچ، محمد جان بلوچ، شاہنواز بلوچ اور محمد علی سمیت 11 خاندانوں سے تعلق رکھنے والے متعدد ساتھیوں نے مختلف سیاسی جماعتوں سے اپنی سابقہ سیاسی وابستگی ختم کرکے پشتونخوا نیشنل عوامی پارٹی میں شمولیت کا اعلان کیا۔ اجلاس کے شرکاء  نے نئے شامل ہونے والے ساتھیوں کا بھرپور خیرمقدم کیا اور کہا کہ مختلف سیاسی پس منظر رکھنے والے افراد کی پارٹی میں شمولیت اس بات کا واضح ثبوت ہے کہ عوام پشتونخوا نیشنل عوامی پارٹی کی قومی، جمہوری اور عوام دوست سیاست پر اعتماد کا اظہار کر رہے ہیں۔ مقررین نے نئے شامل ہونے والے ساتھیوں پر زور دیا کہ وہ پارٹی کے تنظیمی نظم و ضبط کی پابندی کرتے ہوئے قومی و جمہوری جدوجہد میں فعال کردار ادا کریں، عوامی مسائل کو اجاگر کریں اور عوام کو منظم و باشعور بنانے کے لیے اپنی صلاحیتیں بھرپور انداز میں بروئے کار لائیں۔ اجلاس کے اختتام پر پارٹی کی تنظیمی سرگرمیوں کو مزید فعال اور مؤثر بنانے، عوامی رابطہ مہم کو وسعت دینے اور پشتونخوا نیشنل عوامی پارٹی کے قومی، جمہوری اور عوام دوست پیغام کو عوام تک پہنچانے کے عزم کا اظہار کیا گیا۔