وفاقی محتسب کے حکم پر درخواست گزار محمد علی کو گیس بل پر 330,338 روپے کا ریلیف فراہم کروا دیا

کوئٹہ(ویب ڈیسک)وفاقی محتسب کے حکم پر درخواست گزار محمد علی کو گیس بل پر 330,338 روپے کا ریلیف فراہم کروا دیا گیا۔درخواست گزار محمد علی نے بتایا کہ انہیں SSGCL کی جانب سے 3 لاکھ سے زائد کا ناجائز بل موصول ہوا۔جب بل کی درستگی کے لیے وہ متعدد بار گیس دفتر کے چکر کاٹے لیکن کوئی شنوائی نہ ہو سکی۔تو انہوں نے وفاقی محتسب کوئٹہ سے رجوع کیا اور متعلقہ محکمے کے خلاف درخواست دائر کی۔درخواست موصول ہوتے ہی وفاقی محتسب کوئٹہ نے بروقت انکوائری کا آغاز کیا اور متعلقہ محکمے کو طلب کر کے کیس کی فوری سماعت شروع کر دی۔سماعت کے دوران متعلقہ محکمہ کوئی تسلی بخش جواب نہ دے سکا۔لہذا، وفاقی محتسب نے احکامات جاری کیے کہ درخواست گزار کے بل کی درستگی جلد کی جائے۔احکامات موصول ہوتے ہی متعلقہ محکمے نے درخواست گزار کے گیس بل کی درستگی کر دی جس پر انہیں 330,338 روپے کا ریلیف فراہم ہوا۔اس بروقت اور منصفانہ فیصلے پر درخواست گزار نے وفاقی محتسب کا بے حد شکریہ ادا کیا۔