نصیرآباد میں امن و امان کے قیام اور جرائم پیشہ عناصر کے خلاف مؤثر کارروائی ،ایسایس پی اسد خان ناصر

چھتر(ویب ڈیسک)ایس ایچ او میر حسن محمد عمر اعوان کی بہترین کارکردگی پر ایس ایس پی اسد خان ناصر کی جانب سے تعریفی سند تفصیلات کے مطابق ایس ایس پی نصیرآباد اسد خان ناصر نے پولیس تھانہ میر حسن کے ایس ایچ او محمد عمر اعوان کی بہترین پولیس کارکردگی، فرض شناسی اور علاقے میں امن و امان کی صورتحال کو بہتر بنانے کے لیے مؤثر اقدامات کے اعتراف میں انہیں تعریفی سند سے نوازا اس موقع پر ایس ایس پی نصیرآباد اسد خان ناصر نے ایس ایچ او محمد عمر اعوان کی پیشہ ورانہ کارکردگی کو سراہتے ہوئے کہا کہ پولیس افسران اور اہلکاروں کی بنیادی ذمہ داری ہے کہ وہ عوام کے جان و مال کے تحفظ، جرائم کے خاتمے اور امن و امان کے قیام کے لیے اپنی تمام تر صلاحیتیں بروئے کار لائیں۔ انہوں نے کہا کہ پولیس فورس میں فرض شناسی، دیانت داری اور بہترین کارکردگی کا مظاہرہ کرنے والے افسران کی حوصلہ افزائی سے نہ صرف ان کے حوصلے بلند ہوتے ہیں بلکہ دیگر اہلکاروں کو بھی مزید بہتر کارکردگی کا جذبہ ملتا ہے ایس ایس پی اسد خان ناصر نے کہا کہ نصیرآباد میں امن و امان کے قیام اور جرائم پیشہ عناصر کے خلاف مؤثر کارروائی کے لیے پولیس افسران کو اپنی ذمہ داریاں مزید بہتر انداز میں انجام دینا ہوں گی۔ عوام کے ساتھ خوش اخلاقی، قانون کی پاسداری اور بروقت کارروائی پولیس کی ترجیحات میں شامل ہیں، جبکہ کسی بھی قسم کی غفلت یا کوتاہی کو برداشت نہیں کیا جائے گا انہوں نے ایس ایچ او میر حسن محمد عمر اعوان کی جانب سے علاقے میں امن و امان برقرار رکھنے، جرائم کی روک تھام اور پولیس فرائض احسن انداز میں انجام دینے کے اقدامات کو قابلِ تحسین قرار دیتے ہوئے کہا کہ ایسے فرض شناس افسران پولیس فورس کا قیمتی اثاثہ ہیں۔ انہوں نے امید ظاہر کی کہ محمد عمر اعوان آئندہ بھی اسی جذبے اور پیشہ ورانہ ذمہ داری کے ساتھ اپنے فرائض انجام دیتے ہوئے عوام کے جان و مال کے تحفظ اور علاقے میں پائیدار امن کے قیام کے لیے اپنا کردار ادا کرتے رہیں گے اس موقع پر ایس ایچ او تھانہ میر حسن محمد عمر اعوان نے اپنی کارکردگی کے اعتراف میں تعریفی سند سے نوازنے پر ایس ایس پی نصیرآباد اسد خان ناصر کا شکریہ ادا کرتے ہوئے کہا کہ پولیس کی اولین ترجیح عوام کو تحفظ فراہم کرنا، قانون کی بالادستی یقینی بنانا اور علاقے میں امن و امان برقرار رکھنا ہے۔ انہوں نے اس عزم کا اظہار کیا کہ وہ آئندہ بھی اپنی ذمہ داریاں پوری دیانت داری، محنت اور فرض شناسی کے ساتھ انجام دیتے رہیں گے پولیس افسران کا کہنا ہے کہ اچھی کارکردگی پر افسران اور اہلکاروں کی حوصلہ افزائی سے پولیس فورس کے مورال میں اضافہ ہوتا ہے اور انہیں عوام کی خدمت کے لیے مزید محنت اور جذبے کے ساتھ کام کرنے کی ترغیب ملتی ہے۔