ٹرمپ کی معاشی جنگ کا جواب موجود ہے، پاسداران انقلاب ہم ملکوں کے ساتھ آسانی سے معاشی تعلقات استوار کرتے ہیں، حسین محبی

واشنگٹن (انٹرنیشنل ڈیسک)پیر کو امریکی وزیرِ خزانہ سکاٹ بیسنٹ کے موقف کے انتظار کے ساتھ ہی پاسدارانِ انقلاب نے اپنے موقف اور دھمکیوں کا اعادہ کردیا۔ عرب ٹی وی کے م طابق پاسدارانِ انقلابِ ایران کے ترجمان بریگیڈیئر جنرل حسین محبی نے کرج میں ایک پریس کانفرنس کے دوران امریکی صدر ٹرمپ کی طرف سے اشارہ کی گئی معاشی جنگ کا جواب دیا۔ انہوں نے اس بات کی تصدیق کی کہ پاسدارانِ انقلاب کے پاس امریکی دشمنانہ اقدام کا ایک منظرنامہ اور جواب موجود ہے۔انہوں نے مزید کہا کہ ہم نے بارہا اعلان کیا ہے کہ ہمارے پاس دشمن کے ہر اقدام کے لیے ایک منظرنامہ موجود ہے اور ان دشمنانہ اقدامات میں معاشی جنگ بھی شامل ہے۔ انہوں نے مزید کہا کہ ہمارے پاس دشمن کی جنگ کے منفی اثرات کو دور کرنے کے لیے ایک منظرنامہ موجود ہے اور ہم ممالک کے ساتھ آسانی سے معاشی تعلقات استوار کرتے ہیں اور معاشی شعبے میں کوئی تشویش نہیں ہے۔جنرل حسین محبی نے واشنگٹن کی طرف سے معاشی جنگ چھیڑنے کو عسکری شکست کے ضمنی اعتراف کے مترادف بھی قرار دیا۔ انہوں نے کہا کہ اگر آپ عسکری میدان میں فتح حاصل کر چکے ہوتے تو آپ کے لیے معاشی جنگ شروع کرنا ضروری نہ ہوتا۔انہوں نے اس بات پر زور دیا کہ معاشی جنگ ان کے ملک کے لیے کوئی نئی بات نہیں ہے۔ انہوں نے مزید کہا کہ 47 سال سے آپ معاشی جنگ چھیڑ رہے ہیں اور ہماری معیشت کے تمام شعبوں پر پابندیاں عائد کر رہے ہیں۔