ٹرمپ کا ویک اینڈ پر ایران پر حملہ منسوخ کرنے کا اعلان ایران کے خلاف کارروائی کا اختیار ہمارے پاس موجود ہے،امریکی صدر

واشنگٹن (انٹر نیشنل ڈیسک)امریکی صدر ٹرمپ نے ویک اینڈ پر ایران پر حملہ منسوخ کرنے کا اعلان کردیا۔سوشل میڈیا پر ایک بیان میں کہا کہ ایران اور خطے کے دیگر ممالک کی درخواست پر حملہ موخر کیا، حملے کی منسوخی فوری معاہدے سے مشروط ہوگی۔ان کا کہنا تھا کہ جلد معاہدہ طے پا گیا تو حملہ نہیں ہوگا۔ اسرائیل نے بھی حملہ موخر کرنے پر اتفاق کیا۔امریکی صدر نے یہ بھی کہا کہ امریکا ایران کے خلاف کارروائی کے لیے مکمل طور پر تیار اور مستعد ہے۔انہوں نے مزید کہا کہ ایران کے خلاف کارروائی کا اختیار ہمارے پاس موجود ہے۔