نیشنل پارٹی خیرجان بلوچ کے ساتھ شانہ بشانہ کھڑی ہے ،خیرجان بلوچ کے کزن کے گھر پہ حملہ سفاکانہ دہشتگردی ہے،اسلم بلوچ

کوئٹہ(پ ر ) نیشنل پارٹی بلوچستان کے صوبائی صدر چیئرمین اسلم بلوچ نے آواران میں رکن صوبائی اسمبلی اور نیشنل پارٹی کے رہنما خیرجان بلوچ کے کزن میر عبدالغفور رندکےگھر پر حملے کو بلوچی روایات کے منافی اور چادر و چاردیواری کی پامالی قرار دیا حملہ میں خیرجان بلوچ کے کزن محدود جان شہیداور عابد رند شدید زخمی ہوگئے دونوں نیشنل پارٹی کے سرگرم کارکن تھے شہید محدود جان رند نے خیرجان بلوچ کے انتخابی مہم میں بڑھ چڑھ کر حصہ لیا، اسلم بلوچ نے سوگوار خاندان سے دلی ہمدردی کا اظہار کرتے ہوئے کہا ہے کہ نیشنل پارٹی خیرجان بلوچ اور اس کے خاندان کے ساتھ کھڑی ہے واقعہ کو نیشنل پارٹی سفاکانہ دہشتگردی قرار دیتے ہوئے اس کی بھرپور مذمت کرتی ہے