ایران کا سعودی عرب پر میزائل حملوں سے اظہارِ لاتعلقیکسی بھی کارروائی کو ایران سے منسوب کرنا ایک بڑی غلط فہمی ہے،فوجی عہدیدار

تہران (انٹرنیشنل ڈیسک) ایران کے ایک فوجی اہلکار نے سعودی عرب میں اہداف پر داغے گئے میزائلوں سے عدم دلچسپی کا اظہار کیا ہے۔ غیر ملکی ٹی وی کے مطابق ایک فوجی اہلکار نے کہا کہ تہران سعودی عرب میں اہداف کو نشانہ بنانے کے لیے دوسرے ممالک سے داغے گئے میزائلوں یا راکٹوں سے کسی بھی تعلق کی سختی سے تردید کرتا ہے۔ آئی آر آئی بی کے مطابق، اہلکار نے کہا کہ خطے میں امریکی مفادات کے خلاف کسی بھی کارروائی کو ایران سے منسوب کرنا ایک بڑی غلط فہمی ہے۔ ایرانی اہلکار کے مطابق ان کارروائیوں کو ایران کی طرف منسوب کرنا خطے کی صورتحال سے آگاہی کی کمی کا نتیجہ ہے۔ یہ بیان سعودی وزارت دفاع کی جانب سے مشرقی صوبے میں تیل کی تنصیبات کو نشانہ بنانے والے نئے ڈرون حملوں کی اطلاع کے بعد سامنے آیا ہے، جس کا الزام سعودی حکام نے عراق میں ایران نواز ملیشیا پر لگایا تھا۔