گورنر بلوچستان جعفرخان مندوخیل سے بیوٹمز یونیورسٹی کے ڈائریکٹر کوالٹی انہانسمنٹ اینڈ ایکریڈیشن ڈاکٹر بلال سرور کی ملاقات

کوئٹہ(ویب ڈیسک)گورنر بلوچستان جعفرخان مندوخیل سے بیوٹمز یونیورسٹی کے ڈائریکٹر کوالٹی انہانسمنٹ اینڈ ایکریڈیشن (QE&A) ڈاکٹر بلال سرور نے گورنر ہاؤس کوئٹہ میں ملاقات کی۔ گورنر جعفرخان مندوخیل نے پروفیسر ڈاکٹر بلال سرور کو اپنی ادارہ جاتی عمدہ کارکردگی پر مبارکباد پیش کرتے ہوئے کہا کہ ہیوبرٹ ایچ ہمفری فیلوشپ پروگرام 2026-2027 کیلئے ان کا انتخاب خوش آئند ہے۔ خوشی کا لمحہ ہے کہ آپ بلوچستان سے منتخب ہونے والے واحد فیلو ہیں جو 70 سے زائد ممالک کے قابل پیشہ ور افراد کے ایک ممتاز گروپ میں شامل ہیں۔ گورنر مندوخیل نے اس یقین کا اظہار کیا کہ پروفیسر ڈاکٹر بلال سرور امریکہ میں اپنی دس ماہ کی ہمفری فیلوشپ کے دوران پاکستان اور بلوچستان کا امیج بہتر بنانے کردار ادا کریں گے اور اپنے ساتھ پاکستان میں ہائیر ایجوکیشن، لیڈرشپ، منیجمنٹ اور کوالٹی ایشورنس کے طریقوں کو مزید مستحکم کرنے کیلئے جدید علم و تجربہ لائیں گے۔