ایران اب جوہری ہتھیاروں کے حصول کے تمام منصوبے ترک کر رہا ہے، ٹرمپ امریکی صدرکا مڈ ٹرم الیکشن میں ریپبلکنز کی جیت کی صورت میں ہر امریکی کو انعام دینے کا اعلان

 واشنگٹن (انٹر نیشنل ڈیسک)امریکی صدر ڈونلڈ ٹرمپ نے امریکی عوام سے وعدہ کیا ہے کہ اگلے ماہ تین نومبر کو ہونے والے مڈ ٹرم انتخابات میں اگر ریپبلکن پارٹی نے ایوان نمائندگان اور سینیٹ میں کامیابی حاصل کی تو ہر بالغ امریکی شہری کو پانچ ہزار ڈالر دیے جائیں گے۔ جبکہ اس منصوبے کے نفاذ کو کسٹم ڈیوٹی کی آمدنی اور معاشی کارکردگی سے جوڑ دیا ہے۔ٹرمپ نے ایکسپلیٹ فارم پر اپنے دفتر سے ایک ویڈیو کلپ جاری کیا جس میں انہوں نے کہا کہ کانگریس میں ریپبلکنز کی فتح انہیں اس چیز کے نفاذ کا موقع فراہم کرے گی جسے انہوں نے ٹرمپ الاؤنس کا نام دیا ہے،انہوں نے مزید کہا کہ میں امریکہ کے تمام بالغ شہریوں کو پانچ ہزار ڈالر دوں گا۔ٹرمپ نے کہا کہ ریپبلکن قیادت میں امریکہ بہترین طریقے سے آگے بڑھ رہا ہے اور ان کی انتظامیہ کسٹم ڈیوٹی سے بھاری رقم اکھٹی کر رہی ہے، ان کے بیان کے مطابق ریکارڈ اقتصادی کامیابی حاصل کر رہی ہے۔اس کے مقابلے میں ٹرمپ نے خبردار کیا کہ ڈیموکریٹس کی جیت سے ٹیکسوں میں اضافہ اور شدید اقتصادی زوال آئے گا، اس کے ممکنہ اثرات کو سنہ 1929 کی تباہی سے تشبیہ دی۔ انہوں نے کہا کہ ووٹرز ایک طرف ہر شہری کی جیب میں پانچ ہزار ڈالر اور اقتصادی نمو کے تسلسل اور دوسری طرف ڈیموکریٹس کی پالیسیوں کے درمیان ایک انتخاب کے سامنے ہیں۔امریکی صدر نے 1876ڈالر کے نام نہاد واریرز الانس کا حوالہ دیا جس کے بارے میں انہوں نے کہا کہ دسمبر 2025 میں فوجی اہلکاروں کو ادا کیا گیا تھا اور اس بات پر زور دیا کہ اس کی تقسیم سے پہلے کی تنقید نے ان کی انتظامیہ کو اس کے نفاذ سے نہیں روکا۔ٹرمپ نے ٹرمپ الانس کے نام سے مشہور اس اسکیم کی لاگت کا تخمینہ تقریبا ایک ٹریلین ڈالر لگایا ہے۔ انہوں نے اس کلپ میں ان اعداد و شمار کے حساب کتاب کے طریقہ کار یا ادائیگیوں کی مالی اعانت کے طریقہ کار کے بارے میں تفصیلات فراہم کیے بغیر گذشتہ پندرہ مہینوں کے دوران امریکہ میں اکیس ٹریلین ڈالر کی سرمایہ کاری کے بارے میں بھی بات کی۔یہ وعدہ اس وقت دہرایا گیا ہے جب ٹرمپ نے پہلی بار ستمبر میں ڈلاس میں ریپبلکن پارٹی کی ایک کانفرنس کے دوران اس خیال کو پیش کیا تھا جب انہوں نے اس ادائیگی کو کسی کمپنی کے منافع کو اس کے شیئر ہولڈرز میں تقسیم کرنے سے تشبیہ دی تھی اور اس بات کی طرف اشارہ کیا تھا کہ یہ رقم امریکہ کے اندر خرچ کی جانی چاہیے۔اس کے بعد نائب صدر جے ڈی وینس نے کہا کہ اس منصوبے میں امیر لوگ شامل نہیں ہوں گے جبکہ یہ تجویز دی گئی کہ اس کی مالی اعانت کسٹم ڈیوٹی کی آمدنی سے کی جائے۔امریکہ میں بالغ افراد کی تعداد کے حساب سے ہر بالغ شہری کو پانچ ہزار ڈالر دینے کی کل لاگت ایک اعشاریہ دو ٹریلین ڈالر سے زیادہ ہو سکتی ہے۔ اس کے علاوہ اس نوعیت کے کسی بھی پروگرام کے نفاذ کے لیے کانگریس کی منظوری کی ضرورت ہوتی ہے کیونکہ کانگریس کو وفاقی اخراجات پر آئینی اختیار حاصل ہے۔اوہائیو سے تعلق رکھنے والے ریپبلکن سینیٹر برنی مورینو نے ستمبر میں مڈ ٹرم انتخابات کے بعد ٹرمپ الانس کے نام سے بل پاس کرنے کے لیے ایک بل تیار کرنے کی اپنی تیاری کا اعلان کیا تھا۔ٹرمپ کی طرف سے مالی وعدوں کا یہ اعادہ ایسے وقت میں سامنے آیا ہے جب تین نومبر کے انتخابات سے پہلے دونوں جماعتوں کے درمیان ایوان نمائندگان اور سینیٹ کے لیے سخت مقابلہ جاری ہے جو ٹرمپ کی صدارت کے دوسرے نصف حصے میں واشنگٹن میں اکثریت کی شکل کا تعین کرے گا۔