کال اور انٹرنیٹ پیکج کی قیمتوں میں بڑا اضافہ 

پاکستان ویب ڈیسک ،پاکستان ٹیلی کمیونیکیشن اتھارٹی کے تحت کام کرنے والے تمام اہم نیٹ ورکس — جاز۔ زونگ، ٹیلینار، اور یوفون — نے اپنے ڈیٹا ڈائریکٹ اور ہائبرڈ بنڈلز کی قیمتوں اور پیشکشوں کو زیادہ کیا ہے۔فنانس بل کی پالیسیوں کے تحت موبائل سروسز پر ودہولڈنگ ٹیکس اور فیڈرل ایکسائز ڈیوٹی (FED) کے اطلاق کی وجہ سے تمام نیٹ ورکس کے روزانہ، ہفتہ وار اور ماہانہ پیکجز کی لاگت بڑھی ہے۔
ٹیکس فائلرز کے لیے ایڈوانس ٹیکس کی شرح کم ہے۔نان فائلرز پر بالواسطہ ٹیکس کی شرح کافی زیادہ (75% تک) رکھی گئی ہے جس سے لوڈ/ریچارج اور پیکجز زیادہ مہنگے پڑتے ہیں۔کئی کمپنیوں نے اپنے مختلف ہفتہ وار اور ماہانہ ہائبرڈ پیکجز (جن میں کال، ایس ایم ایس اور انٹرنیٹ اکٹھا ہوتا ہے) کی قیمتوں میں 10% سے 25% تک کا اضافہ کیا ہے۔صرف پیکجز ہی نہیں، بلکہ نیا فون PTA کے ساتھ رجسٹر کرنے اور ڈیوائس امپورٹ کرنے کی لاگت اور ٹیکس بھی بڑھے ہیں۔اگر آپ پیکجز پر اضافی ٹیکسز اور چارجز سے بچنا چاہتے ہیں تو اپنا FBR انکم ٹیکس ریٹرن فائل کر کے اپنا نام Active Taxpayer List (ATL) میں شامل کروا لیں تاکہ موبائل ریچارج پر نان فائلر والا اضافی ٹیکس کٹنے سے بچ سکے۔