وینزویلا میں زلزلے سے تباہی، 3342 افراد جاں بحق، 16 ہزار زخمی

وینزویلا [ م ڈ ]تفصیلات کے مطابق وینزویلا کی وزارتِ اطلاعات کی جانب سے جاری کردہ تازہ ترین سرکاری رپورٹ کے مطابق اب صورتحال یہ ہےکہ زلزلے سے جاں بحق ہونے والوں کی تعداد بڑھ کر 3,342 ہو چکی ہے۔اور وزارتِ صحت کے مطابق ہسپتالوں میں ریکارڈ کیے گئے زخمیوں کی درست تعداد 16,470 ہو گئی ہے۔اب تک 17,345 گھروں کو شدید نقصان پہنچا ہے یا وہ مکمل طور پر تباہ ہو چکے ہیں، جس کی وجہ سے ہزاروں لوگ عارضی کیمپوں میں منتقل ہو گئے ہیں۔24 جون کے ان دو بڑے زلزلوں کے بعد سے اب تک 995 سے زائد آفٹر شاکس ریکارڈ کیے جا چکے ہیں، جس کی وجہ سے امدادی کاموں میں شدید مشکلات کا سامنا ہے۔وینزویلا کے حکام نے بین الاقوامی مالیاتی فنڈ (IMF) اور بین الاقوامی بینک کے تعاون سے متاثرہ علاقوں کی دوبارہ تعمیر کے لیے 200 ملین ڈالر کا ایمرجنسی فنڈ قائم کیا ہے۔اقوامِ متحدہ کی ہیلتھ آرگنائزیشن (PAHO/WHO) اور دیگر عالمی ادارے اس وقت لا گوائرا اور کراکس سمیت 7 متاثرہ ریاستوں میں طبی سامان اور فیلڈ ہسپتال پہنچا رہے ہیں، کیونکہ ملبے تلے دبے لاپتہ افراد کی وجہ سے ہلاکتوں میں مزید اضافے کا خدشہ ظاہر کیا جا رہا ہے۔