والد کے انتقال کے بعد لیونل میسی کیریئر جاری رکھنے پر شکوک و شبہات کاشکارمیں نہیں جانتا میں آپ کے بغیر کیا کرنے جا رہا ہوں، انسٹا پر پیغام

بیونس آئرس(سپورٹس ڈیسک)ارجنٹائن کے اسٹار فٹبالر لیونل میسی نے کہا ہے کہ والد کی موت کے بعد انہیں کیریئر کو جاری رکھنے کے بارے میں شکوک و شبہات ہیں۔اسٹار فٹبالر لیونل میسی کے والد جارج میسی چند روز قبل طویل علالت کے بعد 68 سال کی عمر میں روزاریو میں انتقال کرگئے اب میسی کا والد کی موت کے بعد جذباتی پیغام سامنے آیا ہے۔انہوں نے انسٹاگرام پر لکھا کہ میں نہیں جانتا کہ میں آپ کے بغیر کیا کرنے جا رہا ہوں، مجھے نہیں معلوم کہ آگے کیسے بڑھنا ہے۔ میں نے صرف فٹ بال کھیلا ہے اور اب مجھے اس بارے میں کافی شکوک و شبہات ہیں کہ کیا میں اسے زیادہ دیر تک جاری رکھوں گا۔میسی نے لکھا کہ ’آپ شروع سے میرے ساتھ تھے، آپ تھوڑی دیر کیوں نہیں ٹھہر سکے تاکہ ہم مل کر اسے ختم کرسکیں۔اسٹار فٹبالر نے لکھا کہ آپ نے ہمیشہ مجھے آخری ورلڈ کپ میں کھیلنے کے لیے کہا تھا اور اس کے شروع ہونے سے کچھ دن پہلے جب آپ کی حالت خراب ہو گئی تھی، یہ پہلا موقع تھا کہ جب آپ کسی ٹورنامنٹ میں نہیں جارہے تھے جب بھی کوئی میچ ختم ہوتا میں آپ کا انتظار کرتا تھا۔انہوں نے لکھا کہ میں آپ کو بہت یاد کروں گا آپ ہمیشہ موجود رہیں گے خاص طور پر میرے بچوں کی پرورش میں کیونکہ میں انہیں سکھاؤں گا اور ان کی پرورش کروں گا جس طرح آپ نے مجھے پالا ہے۔