نئے صوبوں کا قیام ناگزیر، پشاور کے طلباء کا بڑا مطالبہ صوبوں کی تقسیم سے این ایف سی ایوارڈ اور مالیاتی وسائل کی تقسیم میں بھی تبدیلیاں آئیں گی،طلباء

پشاور(ویب ڈیسک) ملک میں نئے صوبوں کے قیام کے حوالے سے مختلف طبقات کی جانب سے رائے سامنے آنے کا سلسلہ تیز ہوگیا، پشاور کے طلباء نے بھی نئے صوبوں اور انتظامی یونٹس کے قیام کو تعلیم، صحت اور عوامی مسائل کے حل کے لیے ضروری قرار دیدیا۔پشاور کے طلباء نے کہا کہ نئے صوبوں کے قیام سے انتظامی کنٹرول مضبوط ہوگا اور حکمرانوں تک عوام کی رسائی آسان ہوجائے گی، صوبوں کی تقسیم سے این ایف سی ایوارڈ اور مالیاتی وسائل کی تقسیم میں بھی تبدیلیاں آئیں گی۔طلباء کے مطابق صوبے رقبے کے لحاظ سے جتنے چھوٹے ہوں گے، ان کا انتظامی کنٹرول اتنا ہی آسان اور بہتر ہوگا۔ چھوٹے انتظامی یونٹس سے وسائل کی منصفانہ تقسیم ممکن ہونے کے ساتھ سیاسی آواز بھی زیادہ بااثر ہوگی۔شہریوں کا کہنا ہے کہ متعدد وزرائے اعلیٰ ہونے سے انتظامی یونٹس کا نظامِ حکومت زیادہ آسان اور مؤثر ہوجائے گا۔ عوام کی بڑی تعداد نئے صوبوں کے قیام کو ملکی ترقی اور عوامی مسائل کے حل کی ضمانت قرار دے رہی ہے۔