بنیادی تعلیم کے شعبے میں نمایاں ترقی حاصل کی گئی ہے، چینی صدر

بیجنگ (این این آئی)چین کے صدر شی جن پھنگ نے حال ہی میں بنیادی تعلیم کے کام پر ہدایت جاری کر تے ہوئے کہاہے کہ پارٹی کی تعلیمی پالیسی پر مکمل عمل درآمد کو یقینی بنایا جائے۔ چینی میڈیا کے مطابق انہوں نے کہا کہ پارٹی کی 18ویں قومی کانگریس کے بعد سے مرکزی کمیٹی نے بنیادی تعلیم کو ایک بنیادی اور پیش رو کام سمجھ کر اسے مضبوطی سے فروغ دیا ہے، اور متعدد اقدامات کے ذریعے بنیادی تعلیم کے شعبے میں نمایاں ترقی حاصل کی ہے، جس سے تعلیمی طاقت کے حامل ملک کی تعمیر کے لیے مضبوط سہارا فراہم ہوا ہے۔ شی جن پھنگ نے زور دیا کہ پارٹی کی تعلیمی پالیسی پر مکمل عمل درآمد کو یقینی بنایا جائے اور ایسے سوشلسٹ معماروں اور جانشینوں کی تربیت کی جائے جو اخلاقی، فکری، جسمانی، جمالیاتی اور عملی صلاحیتوں کے اعتبار سے ہمہ جہت طور پر ترقی یافتہ ہوں۔ بیجنگ میں قومی بنیادی تعلیم کا اجلاس منعقد ہوا، جس میں شی جن پھنگ کی اہم ہدایت شرکاءتک پہنچائی گئی۔