آسٹریلوی ویمنز ٹیم کا ورلڈ کپ پر راج برقرار، ریکارڈ 7ویں مرتبہ ٹی20 ٹائٹل اپنے نام کر لیا

لارڈز[سپورٹس نیوز ]آسٹریلیا کی ویمنز کرکٹ ٹیم نے لارڈز، لندن میں کھیلے گئے فائنل میچ میں انگلینڈ کو 7 وکٹوں سے شکست دے کر 7ویں مرتبہ آئی سی سی ویمنز ٹی20 ورلڈ کپ کا ٹائٹل اپنے نام کر لیا ہے۔انگلینڈ نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 150 رنز بنائے۔ آسٹریلوی ٹیم نے یہ ہدف صرف 3 وکٹوں کے نقصان پر 17.1 اوورز میں باآسانی حاصل کر لیا۔آسٹریلیا کی اوپنر بیتھ مونی شاندار کارکردگی پر میچ اور پورے ٹورنامنٹ کی بہترین کھلاڑی قرار پائیں۔
ویمنز ٹی20 ورلڈ کپ کے اب تک کل 10 ایڈیشنز ہو چکے ہیں، جن میں سے ریکارڈ 7 ٹائٹلز (2010، 2012، 2014، 2018، 2020، 2023 اور 2026) اکیلے آسٹریلیا نے جیتے ہیں۔