معرکہ حق آزادی کپ ٹین پن بالنگ چیمپیئن شپ اسلام آباد میں شروع ہو گئی چیمپئن شپ میں غضنفر بلال مینز سنگلز کے ٹائٹل کا دفاع کریں گے، رپورٹ

اسلام آباد (سپورٹس ڈیسک)پاکستان ٹین پن بالنگ فیڈریشن کے زیر اہتمام معرکہ حق آزادی کپ ٹین پن بالنگ چیمپیئن شپ لیزر سٹی باؤلنگ کلب، صفا گولڈ، ایف سیون مرکز، اسلام آباد میں شروع ہو گئی ہے،چیمپئن شپ میں غضنفر بلال مینز سنگلز کے ٹائٹل کا دفاع کریں گے۔ چیمپئن شپ کا افتتاح پاکستان ٹین پن بالنگ فیڈریشن کے صدر اعجاز الرحمن نے کیا۔چیمپئن شپ میں ملک بھر سے مرد اور خواتین کھلاڑی حصہ لے رہے ہیں اور چیمپئن شپ میں آٹھ کیٹگریز کے مقابلے رکھے گئے ہیں جن میں مینز سنگلز، مینز ڈبلز، لیڈیز سنگلز، ایمچور، ڈیف مینز سنگلز، ڈیف لیڈیز سنگلز، ٹرائیس ایونٹ اور انٹر سکول کے مقابلے شامل ہیں اور چیمپئن شپ کے فائنل مقابلے 14 اگست کو کھیلے جائیں گے۔ چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔ واضح رہے کہ پاکستان ٹین پن بالنگ فیڈریشن کے زیر اہتمام یہ مقابلے 2003 سے ہر سال جشن آزادی کے موقع پر منعقد ہو رہے ہیں۔