کوئٹہ سے کراچی جانے والے قافلے پر دوجن سے زائد مسلح افراد کی فائرنگ؛ 3 جوانوں نے جامِ شہادت نوش کر لیا

کوئٹہ ویب ڈیسک ،بلوچستان کے ضلع مستونگ میں سیکیورٹی فورسز کے قافلے پر ایک بڑا حملہ ہوا ہے۔ اس واقعے کی اب تک سامنے آنے والی تفصیلات درج ذیل ہیں۔یہ حملہ مستونگ کے علاقے میں قومی شاہراہ (N-25) پر اس وقت ہوا جب فرنٹیئر کور (FC) کا ایک قافلہ صوبائی دارالحکومت کوئٹہ سے قلات کی طرف جا رہا تھا۔مسلح شدت پسندوں کے اس مربوط حملے کے نتیجے میں 3 سیکیورٹی اہلکار شہید ہو گئے ہیں جبکہ 29 اہلکار زخمی ہوئے ہیں۔حملے کے فوراً بعد زخمی اہلکاروں کو قریبی ہسپتال منتقل کر دیا گیا ہے جہاں ان کا علاج جاری ہے۔تفصیلات کے مطابق یہ حملہ ضلع مستونگ میں کھڈکوچہ کے علاقے گُرو میں کیا گیا۔انھوں نے بتایا کہ ایک درجن سے زائد بسوں اور ان کی سکیورٹی پر مامور گاڑیوں پر مشتمل سیکورٹی فورسز کا ایک قافلہ کوئٹہ کی جانب سے کراچی کی جانب جارہا تھا۔انتطامیہ کے اہلکار نے مزید بتایا کہ اس قافلے میں وہ سیکورٹی اہلکار تھے جو چھٹیوں پر جارہے تھے۔ کہ جب یہ قافلہ گُرو کے علاقے میں پہنچا تو اس پر نامعلوم مسلح افراد نے حملہ کیا، جس میں ایک بس کو شدید نقصان پہنچا۔کھڈ کوچہ مستونگ شہر سے جنوب مغرب میں اندازاً 35 کلومیٹر کے فاصلے پر واقع ہے۔سیکیورٹی فورسز کی اضافی نفری نے جائے وقوعہ پر پہنچ کر پورے علاقے کو گھیرے میں لے لیا ہے اور حملہ آوروں کی تلاش کے لیے بڑے پیمانے پر سرچ اور کلیئرنس آپریشن شروع کر دیا گیا ہے۔تاہم سرکاری حکام کا کہنا ہے کہ ضلع میں حالات کی بہتری کے لیے اقدامات کا سلسلہ جاری ہے۔