عمران خان کا شفاء  ہسپتال منتقلی کیساتھ ہی اقتدار کے مکینوں کاآئی سی یو ICU میں منتقل ہونے کے واضح آثار نظر آرہے ہیں،

کوئٹہ (ویب ڈیسک) جمعیت علماء اسلام پاکستان کے سینئر رہنما حافظ منیرحسین احمد نے کہا ہے کہ عمران خان کی آنکھ کا بروقت موثر علاج انکا آئینی وقانونی حق تھاجوکہ انکو فراہمی سیروگردانی کی گئی عمران خان کی آنکھ کوناقابل تلافی نقصان پہنچانے کے بعد آنکھ کے”ریٹینل ہیمرج”کے موثر علاج کیلئے  شفا  ہسپتال منتقلی کا عدالتی فیصلہ بروقت نہ سہی مگردرست اقدام ہے۔عمران خان کا شفاء  ہسپتال منتقلی کیساتھ ہی اقتدار کے مکینوں کاآئی سی یو ICU میں منتقل ہونے کے واضح آثار نظرآرہے ہیں۔انہوں نے کہا کہ نواز شریف کوپلیٹ لیٹس کے جعلی رپورٹس کی بنیاد پرچار سال کیلئے برطانیہ بھجواکر واپسی پر ڈرائی کلین کرکے اقتدار کامکین بنایاگیا۔جبکہ آصف زرداری نے10 سالہ سزا کا بیشترحصہ ضیاء الدین ہسپتال میں گزاراہے توپھرعمران خان یاکوئی بھی عام پاکستانی قیدی کے علاج ومعالجہ کی فراہمی کیلئے دہرے معیارکارویہ کیوں اختیارکیاجاتاہے،جوکہ انصاف کا قتل اور قابل مذمت ہے۔سینیٹر اعظم نذیر تارڑ کا یہ کہناکہ عمران خان کا علاج سرکاری ہسپتال میں ہو،اس بیان کے متعلق انہوں نے کہا کہ اس میں کوئی دو رائے ہی نہیں کہ میاں نواز شریف کامکمل علاج اور مریم صفدر کے تمام سرجریز بھی میفئیر لندن کے پاکستانی سرکاری ہسپتالوں میں ہی سر
انجام دیئے گئے تھے۔انہوں نے کہاکہ عمران خان کے آنکھ علاج کو مسلم لیگ(ن)کا ایک سینیٹر سازش قرار دے رہے ہیں انکی جماعت ہی نے عمران خان حکومت کیخلاف سازش کرکے انکو اقتدار سے علیحدہ کیا تھا۔انہوں نے کہا کہ مسلم لیگ(ن) کا ہمیشہ سے وطیرہ رہا ہے،جب بھی انکواقتدار کی کشتی ڈوبتے نظر آنے لگتی ہے تووہ مگر مچھ کے آنسو بہانے لگتے ہیں۔