“ون ڈے ٹرائی سیریز کا فائنل: قذافی اسٹیڈیم لاہور میں پاکستان اور سری لنکا کا مقابلہ کل ہوگا”

قذافی اسٹیڈیم لاہور میں ہفتہ 31 اکتوبر کو پاکستان اور سری لنکا کے درمیان ون ڈے ٹرائی سیریز کا فائنل میچ کھیلا جائے گا۔ شاہین شاہ آفریدی کی زیر قیادت قومی ٹیم ہوم گراؤنڈ پر اپنی پہلی ون ڈے ٹرائی سیریز ٹرافی جیتنے کے عزم کے ساتھ میدان میں اترے گی جبکہ سری لنکا کی قیادت کشل مینڈس کریں گے۔ میچ کا ٹاس دوپہر 12:30 بجے ہوگا اور پہلی گیند دوپہر 1:00 بجے پھینکی جائے گی۔ پاکستان کی سر زمین پر کھیلی جانے والی یہ چوتھی ون ڈے ٹرائی سیریز ہے اس سے قبل 1994 میں آسٹریلیا اور جنوبی افریقہ 2004 میں سری لنکا اور زمبابوے جبکہ 2025 میں نیوزی لینڈ اور جنوبی افریقہ اس طرح کے ایونٹس کا حصہ رہ چکے ہیں۔ ہوم ٹیم نے انگلینڈ کے خلاف دو اور سری لنکا کے خلاف ایک کامیابی حاصل کر کے فائنل کے لیے کوالیفائی کیا تھا اور اب ان کی نظریں اپنی ہوم گراؤنڈ پر پہلی ٹرائی سیریز کی فتح پر مرکوز ہیں۔