انگلش پریمیئر لیگ،مانچسٹر سٹی نے کرسٹل پیلس کے خلاف مسلسل دوسری فتح حاصل کرلی

لندن(سپورٹس ڈیسک)مانچسٹر سٹی نے انگلش پریمیئر لیگ کے ایک میچ میں کرسٹل پیلس کو شکست دے کر ای پی ایل میں مسلسل دوسری فتح حاصل کرلی جبکہ نیوکیسل یونائیٹڈ کی ٹیم نے ٹوٹنہم ہاٹ پور ک0-2گول سے ہرا دیا۔ غیر ملکی میڈیا رپورٹ کے مطابق انگلش پریمیئر فٹ بال لیگ کے 35 ویں سیزن کے اہم میچ میں مانچسٹر سٹی اور کرسٹل پیلس کی ٹیمیں آمنے سامنے تھیں جس میں مانچسٹر سٹی کی ٹیم نے انتہائی شاندار کھیل پیش کرتے ہوئے کرسٹل پیلس کو ایک کے مقابلے میں 4 گول سے ہرا دیا۔مانچسٹر سٹی کی جانب سے ارلنگ ہالینڈ اورریان چرکی نے دو، دو گول سکور کر کے اپنی ٹیم کو فتح دلائی۔یہ مانچسٹر سٹی کی لیگ میں مسلسل دوسری ہے اور اس فتح کے ساتھ ہی مانچسٹر سٹی نے پوائنٹس ٹیبل پر پہلی پوزیشن بھی حاصل کرلی ہے۔کرسٹل پیلس کی جانب سے واحد گول جیانلوئیجی دوناروما نے 56 ویں منٹ پر سکور کیا۔ ادھر ٹوٹنہم ہاٹ پورسٹیڈیم، لندن میں کھیلے گئے میچ میں نیوکیسل اور میزبان ٹوٹنہم ہاٹ پور کی ٹیمیں پنجہ آزما تھیں جس میں نیوکیس یونائیٹڈ نے عمدہ کھیل کا مظاہرہ کرتے ہوئے میزبان ٹوٹنہم ہاٹ پور کو 0-2 گول سے ہرا دیا۔ نیوکیسل یونائیٹڈ کی جانب سے انتھونی ایلنگا اوریوان ویسا نے ایک، ایک گول کر کے اپنی ٹیم کی فتح میں اہم کردار ادا کیا۔ ٹوٹنہم ہاٹ پورکی ٹیم نے تاحال دو میچز کھیلے ہیں اور اس کو کوئی کامیابی نہیں ملی۔ انگلش پریمیئر لیگ کے رواں سیزن میں شامل 20 کلبوں کی ٹیموں میں دفاعی چیمپئن آرسنل،ایسٹن ولا،بورن ماؤتھ،برینٹ فورڈ،برائٹن اینڈ ہوو ایلبیئن،چیلسی،کووینٹری سٹی،کرسٹل پیلس، ایورٹن، فلہم،ہل سٹی،اپسوچ ٹاؤن،لیدز یونائیٹڈ،لیورپول،مانچسٹر سٹی،مانچسٹر یونائیٹڈ،نیو کیسل یونائیٹڈ،ناٹنگھم فارسٹ،ٹوٹنہم ہاٹ پوراور سنڈر لینڈشامل ہیں۔